Kven er me?
Apal Sideri produserer frisk og fruktig eplemost og eplesider på Sæbø i Hjelmeland kommune
Sider-pionéren i Ryfylke
Dan Olav Sæbø
Etter 13 år som tømrar i Stavanger, var det på tide å prøva noko nytt, og frå nyttår 2020 overtok Dan Olav garden heime på Sæbø i Hjelmeland kommune.
I tillegg til frukt- og eplemostproduksjon, som foreldra hans hadde drive i fleire år, utvida Dan Olav driftsgrunnlaget med siderproduksjon. Slik blei han den første siderprodusenten i Ryfylke.
Garden
Sæbø ligg rett ovanfor Hjelmelandsvågen – kommunesenteret i Hjelmeland kommune – med flott utsikt over Hjelmelandsfjorden. Her har det vore fruktproduksjon sidan slutten av 1800-talet, og rundt gardstunet står det Gravenstein, Raud Aroma, Rubinstep, Discovery og Raud Elstar på rekke og rad.
Kva produserer me?
Produkta våre
Me produserer både alkoholfri eplemost og eplesider med alkohol.
Bruk av alkohol kan gje ulike skadeverknader. Finn meir informasjon.
Sølvsider
0,75 liter
For å markera 250-årsjubileet for funnet av sølvskatten på Sæbø, har tredjegenerasjons frukdyrkar på Sæbø laga sin heilt eigen skatt: Ein lettdrikkeleg eplesider, eller bjor, som det blei kalla i vikingtida.
PRODUKTARK
Eplemost
0,75 liter
Bøndene i Hjelmeland har lange tradisjonar for hagebruk, og på Sæbø har me dyrka eple, pærer og plommer i over hundre år. Nokre av epla blir pressa til frisk og rein eplemost, heilt utan tilsettingsstoff.
PRODUKTARK
Kor finn du sideriet?
Kontakt oss
Sideriet og gardsutsalet finn du på
Sæbøvegen 35 i Hjelmeland.
